ILOILO CITY- Gin-ako sang chairman sang Committee on National Defense sa Kamara nga ang pagpangayo sang bulig sa iban nga mga pungsod, amo lang ang sarang subong mahimo sang Pilipinas sa tunga sang tensyon sa West Philippine Sea bangud sa presensya sang Chinese militia vessels.

Sa interview sang Bombo Radyo kay 5th District Cong. Raul “Buboy” Tupas, chairman sang Committee on Defense sa Kamara, iya ginpahayag nga apisar wala nagauntat ang Pilipinas sa pagpakigbato sang soberenya sa West Philippine Sea sa legal nga pamaagi, apang sa sini nga komplikado nga sitwasyon, wala sang iban nga opsyon ang pungsod kundi ang mag-establisar sng alyansa sa kaiping nga mga pungsod sa Asya kag sa Western allies kaangay sang United States of America kag Europe.

Suno sa iya, ini bangod nga tuman ka gamay ang Pilipinas kon pwersa militar ang istoryahan kag kulang ang naval kag air assets sang pungsod.

Gindugang man niya nga ginatinguhaan man nila nga ma-upgrade pa ang assets sang Armed Forces of the Philippines ilabi na nga sa ila nagasandig ang ihatag nga pondo sa pag-improve pa gid sang assets sang navy kag air force.

Suno pa sa iya, by-phase ukon amat-amat lang nila ini nga matigayon bangud tuman ka dako sang kantidad nga ginakinahanglan para sa pag-acquire sang dugang nga mga assets.

Sa subong suno sa iya, nagamantinir ang Pilipinas sa human intelligence bangud indi pa sopistikado ang mga kagamitan sang armadong kusog sang pungsod.

Facebook Comments

bomboradyo