Bangud sa nagahilapit na nga Paskwa sa pungsod, indi na naman mapunggan ang pagtukar sang mga masadya nga ambahanon ukon Christmas songs.

Suno kay clinical psychologist Scott Bea, practitioner sang cognitive-behavioral psychotherapy sa Estados Unidos, magluwas nga nagapa-improve sang mood sang isa ka tawo ang pagpamati sang Holiday music, natukiban nga dako man ini nga bentaha para sa masangkad nga memorya, nagapalikaw sa stress kag makabulong sa chronic pain.

Pahayag sang doktor, makabulig man pasangkad sang cognitive abilities sang mga pasyente nga may dimentia kag Alzheimer’s disease ang pagpaidalom sa holiday music therapy.

Bangud man sa simple nga pagpamati sa Christmas music, natukiban sa isa ka pagtuon nga nagnubo ang pagkinahanglan sang mga pasyente nga bag-o lang napaidalom sa operasyon sang bulong nga morphine nga nagabulig manage sang ila nga chronic pain.

Facebook Comments

bomboradyo