Nakaandan mo man bala magbutang sang tawas sa imo mga tiil agud mangin mahamot ini kag fresh?

Suno sa mga eksperto, dako ang bentaha sa ikaayong lawas kun banyusan man ang mga tiil sang essential oils ilabi na kun antes magtulog.

Suno kay Dr. Debra Rose Wilson, health psychologist, sa Estados Unidos, ang essential oils ang manggaranon sa medicinal kag therapeutic properties.

Naga-promote ini suno sa doktor sang healthy sleep, nagabulong sang sakit sang ulo, kag common cold.

Pahayag ni Wilson, kada nerve sang lawas sang isa ka indibidwal ang naga-end sa mga tiil rason nga kun pahidan sang essential oils, mas ma-absorb sang lawas ang health benefits.

Dugang pa niya, agud maangkon ang kalidad nga tulog, bentaha ang pagpahid sang lavender oil sa mga tiil bangud nagabulig ini buhin sang anxiety kag nagapalikaw sa insomnia.

Para naman sa mga may nausea kag luyag nga magsangkad ang ila brain function, pabor man ang pagbanyos sang peppermint oil sa mga till antes magtulog.

Facebook Comments

bomboradyo