Palakaon ka man bala sang laswa?

Nakahibalo ka bala nga ang dahon sang tugabang nga ginalakot sa amo nga niluto ang indi lang makabulong sa nanuhay-tuhay nga balatian kundi makahatag pa sang masanag nga panan-awan?

Suno kay Dr. Stephanie Nicole Nera, isa ka registered pharmacist, ang tugabang ang manggaranon sa Vitamin A kag Vitamin B6 nga nagaproteher sa mga mata kag nagapa-maintain sang good vision.

Ang vitamins E kag C, kag antioxidants sa tugabang ang nagaproteher man batok sa pagkaguba sang cells sa lawas sang isa ka indibidwal.

Ini nga vitamins kag antioxidants ang nagapalikaw sa pagkurinot sang panit kag nagabato sa infections nga nagaresulta sa nanuhay-tuhay nga balatian.

-- Web Ads --

Mataas man ang fiber content sang tugabang nga naga-regulate sang blood sugar kag madasig ini nga nagapabusog gani bentaha ini sa mga nagapabuhin sang kabug-aton.

Magluwas diri, bentaha man sa mga nagabusong ang pagkaon sang tugabang bangud ginapataas sini ang resistance sang iloy kag sang fetus batok sa diabetes-induced oxidative stress.

Facebook Comments

bomboradyo