ILOILO CITY- Gusto mo bala nga manami kag masadya pirmi ang imo modo?

Ari ang mga pagkaon nga dapat mo likawan bangud ini ang nagapainit sang imo ulo.

Suno kay Elizabeth Trattner, isa ka Integrative Medicine expert, isa sa kamatis nga kabangdanan sang kaakig ukon kainit sang ulo.

Ini ang isa sa mga pagkaon nga nagatuga sang init sa lawas kag suno sa Eastern Medicine, ang hot foods ang masami naangot sa kaakig.

Magluwas sa kamatis, yara man ang talong, kape, spicy foods, kag iban pa nga may mataas nga acidity.

Suno naman kay Evan Chait, isa ka Physical Therapist, ang mga pagkaon nga may madamo sang sebo ang mahimo magtuga sang kaakig.

Apang indi man buot silingon nga dalukan mo ang imo lawas sang sini nga pagkaon bangod nga makontra mo man ang epekto sini paagi sa pagkonsumo sang iban nga pagkaon kaangay sang lubi nga nagapabugnaw sang lawas ukon indi gani, hagan-haganon lang gid ang pagkonsumo sang sini nga mga pagkaon.

Facebook Comments

bomboradyo