Sang lamharon nga edad, masami kita nagawawaw kun maghibi sa tion nga kita ang bayaan ukon bakulon sang aton ginikanan.

Apang kun naga-edad na, ang iban sa aton sa baylo nga magwawaw kun emosyonal, ginatago-tago na lang ang mga luha.

Suno kay Dr. Timothy Legg, isa ka psychiatric mental health nurse practitioner kag licensed psychologist sa Estados Unidos, wala sang dapat kahuy-an ang pagwawaw kun nagahibi bangud pinaagi sini, mas mabuligan ang lawas nga maka-release sang oxytocin kag endorphins nga nagapabuhin sang physical kag emotional pain.

Ang ‘all out’ nga paghibi suno sa doktor ang tuman man ka bentaha bangud ang dalagko nga mga luha ang may dala nga lysozyme nga amo ang nagapatay sang mga bacteria sa mga mata.

Pahayag niya, ang pagwawaw samtang nagahibi ang makabulig man sa pag-moist sa mga mata agud malikawan ang pagmala sang mucous membranes nga nagaresulta sa blurred vision.

Apang paandam sang doktor, nagakadapat nga magpadulong sa psychiatrist ang mga tawo nga halos adlaw-adlaw kag masami nga nagahibi bangud posible nagasuprer na ang mga ini sang iban pa nga balatian kaangay sang depresyon.

Facebook Comments

bomboradyo