Naghatag na sang pahanugot ang Inter-Agency Task Force for the Management of Emerging Infectious Diseases (IATF) sa mga atleta nga magapasakop sa 2021 Tokyo Olympics nga makabalik sa ila mga pag-ensayo.

Suno kay Presidential spokesperson Harry Roque, dapat lang siguraduhon nga “bubble-type” setting ang pagpatigayon sang training agud masigurado ang safety sang mga tiglawas sang Pilipinas subong nga may COVID-19 pandemic.

Ang pag-resume sang training ang kasunod sang hingyo sang Philippine Olympic Committee.

Dapat man suno kay Roque nga magpakig-angot sa Regional Task Force kag sa local government unit agud mahibaluan kun sa diin ang husto nga venue sang training.

Nahibaluan nga ang subong kuntani nga tuig ginschedule ang 32nd Summer Olympics sa Japan apang ginsalyo sa Hulyo 2021 bangud sa pandemya.

Sang tinalikdan nga Setyembre, matandaan nga ginpahayag ni Japanese Prime Minister Yoshihide Suga sa United Nations General Assembly nga determinado ang Japan nga dayunon na ang paghost sang Tokyo Olympic and Paralympic Games.

Facebook Comments

bomboradyo