‘Pagpang-harass’ sa gihapon ang ginhimo sang Chinese Coast Guard sa supply boats sang Pilipinas sang naghimo ini sang resupply mission sa Ayungin Shoal sa West Philippine Sea.

Suno kay Defense Secretary Delfin Lorenzana, ginakabig niya nga pamahog ang ginhimo sang Chinese Coast Guard bangud samtang naka-dock ang supply boats nga BRP Sierra Madre sa Ayungin Shoal, may isa ka rubber boat halin sa Chinese Coast Guard vessel nga may sakay nga tatlo ka tawo kag nagpalapit sa barko sang Pilipinas.

Ginapahayag ginkuhaan sang picture kag videos ang ginhimo sang Philippine Navy personnel nga unloading sa mga supplies kag pagkaon.

Bangud sini, nakig-angot si Lorenzana kay Chinese Ambassador to the Philippines Huang Xilian bangud ginakabig nga acts of intimidation and harassment ang ginhimo sang China.

Sa monitoring sang AFP Western Command, wala sang untoward incidents nga natabo samtang nagabiyahe ang duha ka resupply boats bangud wala man sila ginbalabagan sang Chinese Coast Guard indi kaangay sang natabo sang nagligad nga semana nga ginbombahan pa ini sang water cannon.

-- Web Ads --

Facebook Comments

bomboradyo