ILOILO CITY- Nagpagwa na sang pondo ang Department of Budget and Management para sa pagpasanyog sang kapasidad sang Philippine Genome Center sa Visayas nga nahamtang sa University of the Philippines (UP) Visayas- Miagao Campus.

Sa interview sang Bombo Radyo Dr. Cynthia Palmes Saloma, executive director sang Philippine Genome Center sa UP Diliman, iya ginpahayag nga na-cascade na sa UP System ang amo nga pondo nga gamiton para sa duha ka satellite facilities sang PGC agud makapatigayon sang whole genome sequencing nga amo ang naga- check sang presensiya sang COVID-19 variants sa mga positive samples.

Suno kay Saloma, nagalaom siya nga mapadasig na ini agud mas mangin mahapos nalang para sa mga syudad kag probinsya sa Visayas kag Mindanao nga magpadala sang ila samples para sa sequencing.

Nahibaluan nga ini nga mga samples ang ginapadala pa sa main laboratory sang PGC sa UP Diliman.

Natalana naman nga ipaidalom sa refresher course ang mga personnel nga assigned sa mga satellite facilities para maantisipar ang mga posible scenario sa tion nga matigayon na ini.

Facebook Comments

bomboradyo