ILOILO CITY- Hugot nga ginpanginwala sang Department of the Interior and Local Government (DILG) nga gamiton sa 2022 elections ang bilyones pesos nga anti-insurgency funds nga ginpain para sa Davao Region.

Nakabaton ang Davao Region sang P4.3 billion gikan sa P16.24 billion funding para sa anti-insurgency campaign sang gobyerno nga ginalakipan sang P1.64 billion para sa Davao City,ang hometown ni President Rodrigo Duterte.

Suno kay National Task Force to End Local Communist Armed Conflict (NTF-ELCAC) spokesperson Joel Egco, wala ginpaboran sang gobyerno ang Davao sang nagpain ini sang bilyones nga pondo para sa amo nga lugar.

Pahayag ni Egco, 4 sa 5 ka guerrilla fronts ang naga- operate sa Davao Region.

Suno naman kay DILG acting spokesperson Odilon Pasaraba, ang paggasto sa pondo ang ginadumala sang recepient barangays kag indi sang DILG ukon sang NTF-ELCAC.

Dugang niya, ini nga sahi sang alegasyon ang may maathag nga katuyuan nga pakalainon ang estratehiya kag mga prinsipyo sa sini nga proyekto.

Facebook Comments

bomboradyo