Nagpabutyag sang kahangawa ang chief sang World Health Organization (WHO) may kaangtanan sa overreaction sang iban nga mga pungsod matapos nga na-detect ang Omicron coronavirus variant.

Suno kay WHO chief Tedros Adhanom Ghebreyesus, may mga ‘blanket measures’ nga ginpanghimo sang iban nga nasyon nga wala man nabase sa ebidensya, indi man epektibo, kag nagapalala pa gani sa sitwasyon.

“I well understand the concern of all countries to protect their citizens against a variant that we don’t yet fully understand… But I am equally concerned that several Member States are introducing blunt, blanket measures that are not evidence-based or effective on their own, and which will only worsen inequities,” suno kay Ghebreyesus.

Ginpasalamatan pa sini ang Botswana kag South Africa sa madasig nga pag-detect kag pag-report sa Omicron. Daw kaangay suno sa iya nga “ginasilutan” pa sang iban nga mga pungsod ang South Africa kag Botswana bangud sang paghimo sang husto nga butang.

Matandaan nga una na-report ang Omicron sa Africa sang nagligad nga semana. Sunod nga nagdinali-dali ang mga pungsod sa pagpanirado sang ila border paagi sa travel bans. Na-highlight sa amo nga tion ang daku nga kinalain sa massive vaccination sa manggaranon nga mga pungsod ipaanggid sa pigado nga inoculation sa developing world.

-- Web Ads --

Bangud sini, gin-engganyo sang WHO ang 194 ka member states nga mangin “rational kag proportional” sa pagpatuman sang measures.

Wala pa subong nasabat kun ano kalala nga sakit ang matuga sang Omicron kag kun may ikasarang ang bakuna batok diri.

Wala pa sang Omicron-linked deaths nga na-report apang ginpahayag sang una sang WHO nga may yara sang nakit-an nga high risk of infection surges bangud sa amo nga variant.##

Facebook Comments

bomboradyo