Mangin prayoridad na ni outgoing Iloilo City Mayor Jose Espinosa III ang iya pamilya sa pagtapos na sang iya termino bilang alkalde sa Hunyo 30.

Sa interview sang Bombo Radyo Iloilo kay Mayor Espinosa, iya ginpahayag nga humalin sang nagsulod siya sa pulitika, nangin limitado na ang oras nga ginahatag niya sa iya pamilya ilabi na sa iya kabataan.

Suno sa alkalde,ini na ang husto nga tion agud makabawi siya sa paghatag sang tiempo sa iya kabataan kag paghatag atensiyon sa mga achievements nila sa eskwelahan.

Samtang, nagpasalig ang alkalde sa publiko nga mangin aktibo gihapon siya sa mga aktibidad nga naandan niya himuon bilang alkalde.

Facebook Comments

bomboradyo