ILOILO CITY-Ginapasiguro sang otoridad nga wala sang inosente nga mga sibilyan nga maulamid sa mga nagakatabo nga engkwentro sa tunga sang tropa sang gobyerno kag sang mga rebelde.

Ini kasunod sang natabo nga engkwentro sa tunga sang militar kag ginabanta 30 ka mga miyembro sang Sibat Platoon, Southern Front, Komiteng Rehiyon Panay sang New People’s Army. sa Sitio Langka, Brgy. Danao, Leon, Iloilo.

Sa interview sang Bombo Radyo kay Pol. Col. Gilbert Gorero, director sang Iloilo Police Provincial Office, iya ginpahayag nga gina-target sang tropa sang gobyerno ilabi na sang Philippine Army ang mga camp sites sang rebelde nga malayo sa mga pamalay.

May kaangtanan naman sa nasambit nga engkwentro sa Leon, Iloilo, ginpahayag sang natungdan nga nagapadayon sa gihapon ang hot pursuit sang otoridad kag ginapatihan nga may yara sang mga napilasan sa bahin sang mga rebelde.

Kapin 30 ka minutos ang ginlawig sang engkwentro kag posible nga kasugpon pa ini sang natabo man nga engkwentro sang Domingo, Enero 24 sa Bucari, Leon.

Facebook Comments

bomboradyo