ILOILO CITY- Blangko pa sa gihapon ang kapulisan kon sin-o ang responsable sa pagluthang-patay sa maglive-in partner sa Malamboy- Bondolan, Alimodian, Iloilo.

Ang mga biktima amo sanday Areston Alves, 62 anyos kag Georgia Miller, 60 anyos.

Sa interview sang Bombo Radyo kay Police Major Sullen Domingo, OIC sang Alimodian Municipal Police Station, iya ginpahayag nga may nabatian nga linupok ang mga residente sa nasambit nga lugar.

Suno kay Domingo, sang ginpadulungan ang puluy-an sang mga biktima, nagahapaon nga wala sang kabuhi ang lalaki sa gwa sang balay kag nagahayangon nga wala na sang kabuhi ang babaye sa sulod sang ila kwarto.

Ginpahayag man ni Domingo nga nakaangkon sang patal nga igo sa ulo kag likod ang lalaki samtang pilas sa ulo man ang naangkon sang babaye.

Narekober naman ang mga basiyo sang 45 caliber pistol sa lugar.

Facebook Comments

bomboradyo