Nagalalain kag halos indi gihapon makapati ang isa ka pamilya sa Austria bangud sa baylo nga isa, duha gid ka tiil ang madula sa ila nga himata bangud sala nga tiil ang gin-utod sang ospital sa una nga operasyon.

82 anyos na ang pasyente kag may yara sang nanari-sari nga medical condition, rason nga kinahanglan utdon ang iya wala nga tiil.

Apang ang natabo, sala nga tiil ang ginbutangan sang hospital worker sang preoperative mark gani sa baylo nga wala, tuo nga tiil ang una nga gin-utod.

Natalupangdan lang ang sala sang gin-islan na ang benda pagkaaga.

Nagpangayo naman sang pasaylo ang Freistadt Clinic kag ginpahayag nga may yara na sang psychological support para sa pamilya kag sa mismo nga pasyente.

Ginpasa naman ang kaso sa public prosecutor sang rehiyon kag nagpasalig man ang talatapan nga himuon ang nagakaigu sa kun sin-o man nga hospital workers nga involved sa amo nga human error.

Facebook Comments

bomboradyo