ILOILO CITY- Nagapati ang isa ka opposition lawmaker nga ang faction sa tunga sang grupo nga nagatib- ong kay Mayor Sara Duterte- Carpio kag grupo nga nagatib- ong kay Senator Manny Pacquiao nga pareho nga ginalantaw nga magpadalagan sa pagka-presidente ang rason sang pagginamo subong sang mga myembro sang Partido Demokratiko Pilipino- Lakas ng Bayan (PDP- Laban).

Sa interview sang Bombo Radyo kay Rep. Edcel Lagman sang 1st District of Albay, iya ginpahayag nga apisar may mga faction sa PDP-Laban , isa lang ang ila katuyuan nga amo ang makapili sang magakandidato nga itib- ong bilang standard bearer sa masunod nga eleksyon.

Nahibaluan nga si Mayor Sara ang yara sa idalom sang alyansa nga Hugpong ng Pagbabago (HNP) rason nga nagawangal ang iban nga myembro sang PDP-Laban kon ngaa siya ang luyag itib-ong sang iban nga PDP-Laban members.

Ginalantaw man ang posibilidad nga adoptaron sang PDP-Laban si Mayor Sara.

Suno kay Lagman, samtang nagaginamo subong ang PDP-Laban, kinahanglan nga hingalitan ini sang oposisyon agud magtingob kag makapili sang kandidato agud nga mapierde ang pwersa sang administrasyon.

Pahayag ni Lagman, sa tion nga magdeklarar na si Vice President Leni Robredo sang iya kandidatura sa pagka- presidente, pat-od nga magapag- on na ang oposisyon.

Facebook Comments

bomboradyo