Greatest show on Earth man sa gihapon ang Tokyo 2020 Olympic Games apang makabig man ‘hottest on the record’.

Pinasahi ini nga Olimpyada para sa mga atleta sa bilog nga kalibutan bangud ginpatigayon ini sa pihak sang COVID-19 pandemic. Apang magluwas diri, isa pa ka isyu ang ginakabig biggest concern sang mga tawo: ang tuman kainit nga temperatura halin sang nag-umpisa ang mga hampang.

Ang pagsuprer sang mga atleta sa indi kinaandan nga kainit ang naga-lead subong sa isa ka pamangkot: “Ano na ang mangin puturo sang Olympic Games kun padayon pa nga nagainit ang kalibutan?”

Sang nagligad nga Domingo, nangin gold medalist sa men’s triathlon ang Norweigian athlete nga si Kristian Blummenfelt. 11 segundos ang iya abanse sa atleta nga nagsunod sa iya.

Apisar sang iya phenomenal run, pila lang ka segundos matapos nakalapak sa finishing line, nagsuka si Blummenfelt kag nag-collapse. Ginpasakay siya sa wheelchair kag gindala sa medical team. Indi ini ang nagaisahanon nga kaso.

Pinakaapektado sa init amo ang mga nagasapasakop sa triathlon events.

Nalipong man ang Russian archer nga si Svetlana Gomboeva sa qualifying round, samtang madamo naman nga tennis players ang nagreklamo bangud sa amo nga kondisyon.

“If I die, will the International Tennis Federation take responsibility?” pamangkot ni Daniil Medvedev, 25 anyos nga Russian player, sa iya hampang sang nagligad nga semana. “I can finish the match, but I can die.”

Pila sa ginahimo sang mga atleta agud nga makabato sa tuman nga kainit nga panahon amo ang pagbutang sang ice packs sa ila nga panapton, pag-inom sang slushies, kag pagpahulom sa ice-filled paddling pools.

Ini nga makeshift solutions sa tuman nga kainit nga panahon amo ang naga-lead pa gid sa dugang nga mga pamangkot: Ngaa ginpili ang Tokyo, Japan bilang host city? Labing importante, ano ang mangin kaangtanan sang global warming sa mangin masunod nga Olympiada sa Paris, Los Angeles, kag Brisbane?

Facebook Comments

bomboradyo