Ginpasidunggan sang Senado ang apat ka mga Olympic medalists sang Pilipinas sang Senate Medal of Excellence matapos ang nangin madinalag-on nga Tokyo 2020 Olympics.

Personal nga ginbaton nanday Olympic gold medalist Hidilyn Diaz, silver medalists Nesthy Petecio kag Carlo Paalam, kag bronze medalist Eumir Marcial ang ila mga medalya sa Senate session hall.

Magluwas sa medalya, nakabaton man sang cash reward balor P1 million si Diaz, tag P500,000 kanday Paalam kag Petecio samtang P400,000 naman kay Marcial.

Nahibaluan nga si Diaz ang labing una nga Filipino nga nakadaog sang gold medal sa Olympics humalin sang nag-intra ang Pilipinas sa hampang — 97 ka tuig na ang nagligad.

Facebook Comments

bomboradyo