ILOILO CITY- Tatlo ka regalo ang ginahalad ni Nuestra Señora de la Candelaria para sa mga tawo.

Sa homily ni Most. Rev. Jose Romeo O. Lazo, D.D., arsobispo sang Archdiocese sang Jaro, kadungan sang fiesta ni Nuestra Señora de la Candelaria, iya ginpahayag nga ginatanyag sang Mahal nga Birhen ang iya pagka-nanay, ang iya pagkagintutun-an, kag ang iya misyon.

Suno kay Archbishop Lazo, ang pagkailoy sang Mahal nga Birhen ang isa ka ehemplo para sa tanan nga iloy nga nagahatag sang paghangop, pag-ulikid kag pagpalangga sa kabataan.

Bilang isa ka pagkagintutun-an, ang Mahal nga Birhen nagatudlo sa aton sang pagtuman sa sugo sang Diyos sa tanan nga tion.

Bilang isa naman ka misyonaryo, ginatudlo sa aton ni Birhen Maria ang pagpadayon sang misyon nga ginahatag sa aton sang Diyos nga magpalapnag sang kaayuhan.

Ginpahayag sang arsobispo nga sa tunga sang pandemya, ini nga mga regalo nga ginahatag sang Mahal nga Birhen Nuestra Señora de la Candelaria ang magaubay sa bilog nga katawhan.

Facebook Comments

bomboradyo