Gin-akusaran sang South Korean intelligence officials ang North Korea nga amo ang nagtuyo nga mag-hack ukon magpangawat sang vaccine data gikan sa US pharmaceutical company nga Pfizer.

Wala pa sang maathag nga pahayag kun ano nga data ang gintuyo nga kawaton ukon kun nakawat na gid man.

via BBC

Ginaalegar nga gin-brief na sang South Korea’s National Intelligence Agency ang mga mamalidha sa ginapahayag nga atake sa COVID-19 vaccine techonolofy sang Pfizer.

Wala pa sang official statement ang Pfizer may kaangtanan sa amo nga report.

Nahibaluan nga wala sang bisan single case sang coronavirus nga na-report ang North Korea halin sang naglupok ang pandemya; apang natalana ini nga magbaton sang duha ka milyon nga doses sang AstraZeneca-Oxford vaccine sa masunod nga mga sinemana.

Sang Enero sang nagligad nga tuig sang nagpanirado sang borders ang North Korea.

Sang Nobyembre sang nagligad man nga tuig, nag-anunsyo ang Microsoft nga at least nine ka health organisations lakip na ang Pfizer ang gina-target sang state-backed organisations sa North Korea kag Russia.

Ginpangalanan pa sang Microsoft ang mga grupo nga Zinc and Cerium halin sa North Korea kag Russian group nga Fancy Bear nga amo ang responsable sa tuyo nga i-hack ang vaccine research.

Madamo sang mga tuyo sa pag-hack ang wala nadayon, apang una na nga nagpahayag ang Microsoft nga may pila ka hackers nga nagmadinalag-on.

Facebook Comments

bomboradyo