Ginbuyagyag sang ex-boyfriend ni Miss Universe Philippines 2020 Rabiya Mateo nga si Neil Salvacion, nga ang Miss Universe crown ang rason kun ngaa gin-bulagan siya sang Ilongga beauty queen.

Si Neil ang tumandok sang Sta. Barbara Iloilo kag nagatrabaho bilang nurse sa Manila.

Sa isa ka video nga gin-upload ni Neil sa iya social media, ginpakigbahin niya ang kabudlay kag pagpanghangkat nga na-eksperyensyahan niya sa iya trabaho.

Mapin-ot suno sa iya nga ginadumilian sila magpalapit sa ila pinalangga sa kabuhi sa diin sa masami, kinahanglan nila nga i-isolate ang ila kaugalingon bangud sa nature sang ila trabaho — amo ang pag-atipan sa mga COVID-19 patients.

Apang sa pihak sini, gin-ako niya nga mas mabudlay kag mas mapin-ot ang break-up nga natabo sa tunga nila ni Rabiya ilabi na nga ang rason amo ang korona sa Miss Universe Competition.

-- Web Ads --

Suno kay Neil, ang COVID-19 pandemic kag ang korona sa nasambit nga kompetisyon ang pila lamang sa mga dako nga pagpanghangkat nga nag-abot sa iya kabuhi.

Gin-ako man sang anay boyfriend ni Rabiya nga bulan sang Hunyo sini nga tuig, sang nagbulagay sila sang Ilongga beauty queen matapos ang anom ka-tuig nga paghigugma-anay.

Facebook Comments

bomboradyo