Nagtanyag ang White House sa rapper nga si Nikki Minaj sang phone call sa tunga sini kag isa sa mga doctor matapos ginpalapta sang rapper ang impormasyon nga nangin impotent ang abyan sang iya nga himata matapos nakabaton sang COVID-19 vaccine.

Ginpahayag ni Nikki Minaj nga gin-imbitar ini sang White House matapos nga nangin viral ang iya nga tweet kag suno sa rapper, ginbaton niya ang imbitasyon.

Apang gin-athag sang White House official nga ang gin-offer lamang kay Nikki Minaj amo ang isa ka educational phone call kaupod ang isa ka doctor nga amo ang magasabat sang palamangkutanon sang rapper tuhoy sa safety kag ka-epektibo sang bakuna.

Nahibaluan nga wala nakatambong sa 2021 Met Gala ang Grammy-nominated rapper bangud kinahanglan nga vaccinated ang mga attendees.

Facebook Comments

bomboradyo