Wala na sang Jane Marczewski ukon Nightbirde nga mabatian sa America’s Got Talent matapos ginnkumpirma mismo sang singer nga magaatras na siya sa kumpetisyon subong nga season bangud sang iya nagalala nga health kondisyon.

Bantog si Nightbirde bangud magluwas nga siya ang ginhatagan ni AGT judge Simon Cowell sang “Golden Buzzer”, natandog ang balatyagon sang publiko bangud sa iya istorya sa pagpakigbato sa cancer.

Nangin popular man ang iya pagkanta sang It’s Okay.

Apang sa subong suno sa singer, naglala pa ang iya nga sitwasyon kag kinahanglan niya magfocus sa away batok sa cancer.

Sang audition sang nagligad nga Hunyo, ginbuyagyag ni Jane nga naglapta na ang cancer sa iya lungs, spine, kag liver.

Two percent na lang suno sa iya ang ginhatag sa iya agud nga mabuhi, apang suno sa iya, two percent is not zero kag malipayon siya gihapon bangud sini.

Facebook Comments

bomboradyo