Igarequire na ang Reverse Transcription Polymerase Chain Reaction (RT-PCR) test duha ka adlaw antes ang byahe sang tanan nga returning residents, visiting persons, Returning Overseas Filipinos (ROFs), Locally Stranded Individuals (LSIs), government personnel ukon government sanctioned, commissioned individuals kag non-residents nga naghalin sa gwa sang Western Visayas.

Ini ang nasaad sa Executive Order no.12 Series of 2021 nga ginpagwa sang damlag ni Guimaras Governor Dr. Samuel Gumarin.

Sa interview sang Bombo Radyo kay Guimaras Vice Governor Atty. John Edward Gando, iya ginpahayag nga nasaad man sa amo nga pagsulundan nga mandatory ang negative RT-PCR test nga ginpatigayon duha ka adlaw bag-o ang petsa sang byahe antes magsulod ang isa ka indibidwal sa probinsya sang Guimaras.

Suno kay Gando, tanan nga returning ukon visting persons ang indi na required nga magpaidalom sa quarantine.

Indi naman pagpahanugutan nga makasulod sa Guimaras ang mga masunod:

  • Mga indibidwal nga COVID-19 positive; kag
  • Indibidwal nga may sintomas sang COVID-19, magluwas lamang kun may medical certificate nga nagapamatuod nga wala sang kaangtanan sa COVID-19 ang balatian ukon may dala nga negative RT-PCR test result apang i-require nga magpaidalom sa quarantine

Ginpahayag ni Gando, nga indi na required ang negative RT-PCR test result sang mga Authorized Persons Outside Residence (APORs) nagikan sa national government agencies apang nagakadapat nga magdala sang identification card (ID), travel order, travel itinerary kag magpaidalom sa screening protocols.

Facebook Comments

bomboradyo