Ginahatagan bug-at sa imbestigasyon sang National Bureau of Investigation (NBI) Region VI ang violation sang Chiyuto Creative Wealth Document Facilitation Services (CCWDFS) sa Securities Regulation Code.

Ang CCWDFS ukon mas kilala nga Chiyuto Double Your Money Scheme ang nakabase sa Roxas City, Capiz, kag ginapadalagan ni Patrocenio C. Chiyuto aka Don Chiyuto aka Don Zhang Lee Chiyuto.

Sa exclusive interview sang Bombo Radyo kay Atty. Jeremiah Sargado, assistant regional director sang NBI Region VI, iya ginpahayag nga naumpisahan na sang talatapan ang discrete investigation sang Disyembre 2020.

Ini ang kasunod sang mandu sang national director sang NBI nga imbestigaran ang ginaalegar investment scam kag sa hingyo sang Securities and Exchange Commission (SEC) Region VI nga buligan sila nga magpatigayon sang pagpangusisa.

Halin sang ginpatigayon ang imbestigasyon, may mga natipon na nga ebidensya ang NBI Region VI nga nagapamatuod nga isa ka ‘pyramiding scam’ ukon ‘investment scam’ ang Chiyuto Double Your Money Scheme.

VOICE OF NBI REGION VI ASST. REGIONAL DIRECTOR ATTY. JEREMIAH SARGADO

Suno kay Atty. Sargado, nagtinguha sila nga makig-angot sa mga investors agud may yara sang magpasaka sang pormal nga reklamo batok kay Don Chiyuto apang tanan sila ang nagpamatok nga magpasaka sang kaso “BECAUSE THEY ARE STILL HOPING NGA MAKARECEIVE SILA SANG PAY-OUT”.

Gina-ako ni Atty. Sargado nga nabudlayan ang NBI bangud wala sang mapasaka sang reklamo…apang indi pa tapos ang istorya. Suno sa natungdan, ginatutukan sang NBI ang kakulangan sang Chiyuto Double Your Money Scheme sang mga dokumento halin sa SEC.

Matandaan nga sa advisory sang Enforcement and Investor Protection Department sang SEC, ginpahayag nga wala narehistro ang Chiyuto Double Your Money Scheme sa komisyon — “either as a corporation or as a partnership.”

Suno sa SEC, NOT AUTHORIZED ang Chiyuto Double Your Money Scheme nga mag-solicit sang investments halin sa publiko bangud wala ini sang prior registration ukon license halin sa komisyon nga prescribed sa idalom sang Sections 8 kag 28 sang Securities Regulation Code.

Sa idalom sang Section 73 sang Securities Regulation Code, yari ang penalidad nga posible idagdag sa mapamatud-an nga guilty sa sala:

– indi magnubo sa Fifty thousand pesos (P50,000.00) kag indi magsobra sa Five million pesos (P5,000,000.00) ukon pagkapreso nga indi magnubo sa pito (7) ka tuig kag indi magsobra sa beinte-uno (21) ka tuig, ukon BOTH, depende sa discretion sang korte.

“Even wala sang complainant, pwede gihapon kami makapasaka sang kaso santo sa sini nga violation,” pahayag ni Atty. Sargado.

VOICE OF NBI REGION VI ASST. REGIONAL DIRECTOR ATTY. JEREMIAH SARGADO

“KUN MAY MAGPASAKA SANG REKLAMO”

Wala nagauntat ang NBI sa pagpangita sang complainants batok sa nasambit nga investment scheme.

Kun may yara sang magpasaka sang reklamo suno kay Atty. Sargado, mas mabug-at ang kaso nga atubangon sang Chiyuto Double Your Money Scheme kun sa diin posible atubangon ang syndicated estafa nga wala sang katumbas nga piyansa.

Sa subong, may isa na ka tawo nga desidido mag-file sang kaso bangud wala nakabaton sang pay-out apang “mas madamo, mas maayo” suno sa abogado.

“We are expecting nga next week, magdagsa na sila diri sa opisina kag magpasaka sang reklamo,” pahayag ni Sargado.

May kaangtanan sa ginapahayag ni Don Chiyuto nga registration halin sa SEC, pahayag ni Sargado indi siya sigurado kun ‘pabula’ lang ini apang suno sa iya: “Any corporation… pwede makaparehistro sa SEC, but as to whether or not you are allowed to engage in selling securities, that is a different issue, and that is being scrutinized by the commission kun pwede sila makabaligya ukon indi.”

‘Wala man sang bearing’ ang DTI certification sang Chiyuto Double Your Money Scheme bangud “ginahatag ang certification agud ma-identify kun sin-o ang owner” apang “the fact nga nagabaligya sila sang securities is already a violation of the Securities Regulation Code.”

“LONG HOLIDAY”

Malawig na ang holiday break para sa mga investors nga naka-pay in sa Roxas City.Enero 12 sang nagdeklarar sang ‘HOLIDAY’ si Don Chiyuto, apang nagpasalig nga temporaryo lang ini bangud may yara pa sang kinahanglan nga hitsuhon sa ila nga mga dokumento.

Yari ang kabahin sang Facebook post ni Chiyuto:

“Nais ko pong ipaalam sa inyo na simula sa araw na ito ang ating Kumpanya ay magkakaroon nang panandaliang HOLIDAY hindi sa dahilan na may nilabag ako sa batas ngunit upang mailagay sa maayos ang natitirang kailangan i-submit na dokumento nang ating Kumpanya. Ako po ay humihingi ng konting konsiderasyon at konting panahon at suporta upang maisaayos natin ng mabuti, upang sa ating pagsimula ay wala na tayong pangamba.”

“MGA WARNING”

Suno kay Police Colonel Julio Gustilo, chief sang Capiz Police Provincial Office, indi sila maka-file sang kaso sa investment company sa ila lugar BANGUD WALA SANG BISAN ISA NGA NAGREKLAMO SA MGA PULIS.

Apang suno sa Police Regional Office VI, gina-verify pa sang ila talatapan sa field units kun may yara sang existence sang sini nga mga scam.

Sa syudad sang Iloilo, una naman nagpaandam si Iloilo City Mayor Jerry TreƱas sa publiko nga mangin vigilante kag naghingyo sa pulis kag NBI nga i-track down ang alleged financial scams.

Bukas ang Bombo Radyo sa pagpaathag sang Chiyuto Double Your Money Scheme.

Facebook Comments

bomboradyo