Ginkumpirma sang National Bureau of Investigation (NBI) nga wala sang business permit ang Chiyuto Creative Wealth Document Facilitation Services OPC nga kilala man bilang Chiyuto Double Your Money Scheme, kag ginapadalagan ni Patrocenio C. Chiyuto ukon Don Chiyuto ukon Don Zhang Lee Chiyuto.

Sa exclusive interview sang Bombo Radyo kay Atty. Jeremiah Sargado, assistant regional director sang NBI Region VI, iya ginpahayag nga as of January 20, 2021, ila natukiban nga wala sang permit ang Chiyuto Double Your Money Scheme.

Ini ang santo man sa pagkumpirma ni Roxas City Mayor Ronnie T. Dadivas, sang ila nga ginpadal-an sang sulat agud mahatagan sang kaathagan sa operasyon ni Chiyuto sa nasambit nga syudad.

Suno kay Sargado, i-verify man nila sa Office of the Business Permit and Licensing Division sa Roxas City, Capiz kun may permit ang Chiyuto Double Your Money Scheme sang nagligad nga tuig.

Gin-athag ni Sargado nga apisar may business permit pa ang Chiyuto Double Your Money Scheme, indi sa gihapon ini mapahanugutan nga magsolicit sang kwarta sa publiko bangud wala ini ginhatagan sang Securities and Exchange Commission (SEC) sang secondary license bilang Lending Company, Broker and Dealer of Securities, Dealer in Government Securities, Investment Adviser of an Investment Company, kag Investment House and Transfer Agent.

Ginpahayag ni Sargado nga nakabaton man sila sang opisyal nga kumpirmasyon nagikan sa Securities and Exchange Commission (SEC) sa diin ginpahayag nga wala sila nakahatag sang Certificate of Registration bilang registered Associated Person, Compliance Officer, Salesman and/or Certified Investment Solicitor of a Broker Dealer in Securities Investment, Investment House, Underwriter of Securities, Investment Company Adviser kag Mutual Fund Distributor.

Matandaan nga ginkumpirma sang SEC nga wala sang gahom nga magsolicit sa mga investors sanday:

Patrocenio C. Chiyuto

Can Maricris Chiyuto

Mary Joy Chiyuto Canobida

Naneth Barruela kag

Ezequiel Canobida

Facebook Comments

bomboradyo