Naghatag sang 2 million US dollars ukon P96.1 million si NBA legend Michael Jordan agud nga mapakaon ang mga imol sa Estados Unidos.

Suno sa relief outfit nga Feeding America, wala nagduha-duha ang anay Chicago Bulls star nga magdonate sang nasambit nga kantidad.

Suno naman sa 14-time NBA All-Star, importante ang maghatag sang bulig ilabi na sa mga naapektuhan bangud sa COVID-19 pandemic.

Nahibaluan nga nagalab-ot na sa 54 million nga mga americans ang wala makaon.

Sang Abril, nagpromisa ang US Department of Agriculture nga magapain ini sang 1.7 billion US dollars ukon P 81.7 billion agud buligan ang mga food banks bangud sa padayon nga pagtaas sang kaso sang mga nagakagutoman.

Facebook Comments

bomboradyo