Padayon pa nga ginahibalo sang Philippine National Police (PNP) ang identity sang babaye nga biktima sang salvage kag ginhal-id sa kilid sang highway sa Sitio Bool, Sapao, Dumangas, Iloilo.

Sa exclusive interview sang Bombo Radyo Iloilo kay Police Major Jogen Suegay, hepe sang Dumangas Municipal Police Station, iya ginpahayag nga nakagapos kag naka-duct tape ang bibig sang biktima.

Suno kay Suegay, may witness nga nakakita sang duag lightblue nga awto nga nagpundo sa nasambit nga lugar kag ginpapanaog ang isa ka babaye.

Pagkatapos sini, nabatian niya ang apat ka lupok sang pusil kag madasig nga naghalin ang awto.

Naggwa sa imbestigasyon nga nag-angkon sang patal nga igo sang pusil sa dughan ang biktima nga nangin kabangdanan sang iya kamatayon.

Matandaan nga sang nagligad nga semana, may nasapwan man nga magtiyo nga biktima man sang salvage sa Balabago, Jaro, Iloilo City.

Facebook Comments

bomboradyo