Nagapalab-ot sang pagpakig-unong ang National Police Commission (NAPOLCOM) Region 6 sa pamilya sang pulis nga naluthangan-patay sang ginapahayag lalaki nga may nervous breakdown sa Barangay Cubay South, Bugasong, Antique.

Sa interview sang Bombo Radyo kay NAPOLCOM Region 6 Director Atty. Joseph Celis, iya ginpahayag nga ginakasubo nila ang kamatayon ni Police Staff Sergeant Elvin Agting, 42, assigned sa Bugasong Municipal Police Station kag residente sang Poblacion, Belison, Antique.

Bangud sa natabo suno kay Celis, may yara sang may mabaton nga bulig ang pamilya sang napatay nga pulis.

Suno sa NAPOLCOM Director, hangpon man sang publiko nga tuman ka delikado ang trabaho sang pulis.

Apang panugyan ni Celis sa mga kapulisan, mangin alisto kag magpangamuyo kada maghalin sa balay ukon magbiya sa pamilya bangud indi madula ang risgo sa trabaho sang mga pulis.

-- Web Ads --

Facebook Comments

bomboradyo