ILOILO CITY – Ipaiway sang Association of Barangay Captains (ABC) Jaro district ang pila ka mga aktibidad sa palaabuton nga Fiesta de Nuestra Señora de la Candelaria or Feast of the Our Lady of the Candles sa Pebrero 2.

Sa interview sang Bombo Radyo kay Punong Barangay Edwin Divinagracia, pinuno sang ABC sa distrito sang Jaro, iya ginpahayag nga nakasapol na ang tanan nga mga punong barangay sang Jaro District kag nahisugtan nga ipaiway ang mga nakaandan na nga aktibidad sa pista ni Nuestra Señora de la Candelaria.

Suno kay Divinagracia, apisar sini may yara lamang sang Plant Far sa idalom sang ABC nga patigayunon sa Jaro Plaza sa diin nag-umpisa sang Enero 6 kag liturgical masses sa Jaro Metropolitan Cathedral.

Ginpahayag ni Divinagracia nga ang tanan nga adjustments ang may kaangtanan sa paglikaw nga madugangan pa ang kaso sang COVID-19 sa syudad sang Iloilo.

Nagpanugyan man ang natungdan sa mga pumuluyo sa distrito sang Jaro nga indi magpang-imbitar sang bisita sa adlaw sang pista agud masigurado nga indi matapikan sang COVID-19.

Facebook Comments

bomboradyo