Nagsabat na ang aktor nga si Paolo Contis may kaangtanan sa ila pagbulagay sang aktres nga si LJ Reyes matapos ang anom ka tuig nga relasyon.

Gin-ako mismo ni Paolo nga may yara sang third party nga involved.

Ginsabat sang aktor ang mga isyu kaangay sang paggamit sini sang iligal nga droga kag domestic violence nga iya man nga ginpanginwala; isyu sa third party nga iya naman gin-ako kag nagpangayo sang kapatawaran.

Indi man rason suno sa iya ang co-star nga si Yen Santos sa pagbulagay nila ni LJ apang gin-ako sini nga updanay sila sa Baguio bilang mag-abyanay lamang.

Pahayag pa ni Paolo, ginakahuya niya ang iya ginhimo nga pagpanglu-ib.

-- Web Ads --

Nagpangayo man sang sorry si Paolo sa iya anak kay LJ nga si Summer kag mangin kay Aki nga ginpalangga man niya.

Si Aki ang una nga anak ni LJ sa aktor nga si Paolo Avelino.

Facebook Comments

bomboradyo