Mabudlay para sa San Jose de Buenavista Municipal Police Station sa probinsya sang Antique nga makig-angot sa punong barangay nga kaupod sang barangay treasurer nga ginluthang patay sa atubang sang old capitol sa Barangay 8, San Jose de Buenavista.

Ang biktima amo si Jose Servano, Jr., 41, barangay treasurer sang Barangay Del Pilar, Hamtic, Antique.

Sa interview sang Bombo Radyo kay Atty. Benjo Clarite, hepe sang San Jose de Buenavista PNP, iya ginpahayag nga nabukid na nga bahin sang Hamtic ang Barangay Del Pilar kag tuman ka budlay nga makakuha sang signal rason nga indi nila dali-dali nga ma-contact ang punong barangay.

Apang base sa pamilya sang biktima, ihaya ang barangay kagawad sa Poblacion, Hamtic sa diin may yara na sang oportunidad nga makasugilanon ini indi lang sa punong barangay kundi sa pamilya ni Servano nahanungod sa background sini.

Suno kay Clarite, matinlo ukon wala sang rekord sa police station ang nasambit nga barangay kagawad apang may mga nagaguwa nga huring-huring nga involved sa kinawatay sang baka sa bukid si Servano apang ini ang indi pa makumpirma bangud “subject” pa ini sa imbestigasyon.

-- Web Ads --

Tanan nga motibo kag anggulo sa pagluthang sa biktima ang ginakonsidera sang mga kapulisan.

Gin-athag man sang hepe kun ngaa wala sang pulis sang amo nga tion kag suno sa iya, regular ang deployment sang kapulisan sa banwa sang San Jose de Buenavista apang natabo-an nga may ginbuligan ang mobile patrol nga isa ka mentaly ill nga persona sang amo gid nga adlaw.

Facebook Comments

bomboradyo