CABATUAN, ILOILO – Padayon pa nga ginapangita sang mga otoridad ang mister nga nagbuno sa iya misis sa Barangay Guibuangan Tigbauan, Cabatuan, Iloilo.

Ang biktima amo si alyas Nena, 58 anyos samtang ang suspek naman nga mister sini amo si alyas Rey.

Sa interview sang Bombo Radyo kay Police Capt. Myles Dieron, hepe sang Cabatuan Municipal Police Station, iya ginpahayag nga hubog ang bana sang nagpauli ini sa ila balay.

Suno kay Dieron, nagbais ang mag-asawa sa problema sa ila balay tubtub ginbuno sang mister ang iya misis.

Ginsagang sang misis ang kutsilyo rason nga naga-angkon ini sang pilas sa kamot kag dughan.

Gilayon man nga gindala sa ospital ang biktima matapos ang krimen.

Facebook Comments

bomboradyo