ILOILO CITY- Nagalaum ang mga vendors sa Mandurriao Public Market nga mapadali na ang renovation sang merkado.

Sa interview sang Bombo Radyo kay Marlon Sedotes, spokesperson sang vendors association sa nasambit nga merkado, pila sa ila ginaantos nga problema amo ang gubaon nga atop kag manabaw nga drainage.

Suno kay Sedotes, sa tion nga mag-ulan, makaluluoy ang mga vendors ilabi na sa fish section bangod nga tuktukon kag gabok na ang tarog sa atop rason nga nagadirekta gid ang daludo sang tubig- ulan sa ila mga pwesto.

Pahayag pa ni Sedotes, bangud nga manabaw ang drainage kag manubo ang salog sang merkado, madasig ini nga nagabaha.

Sa tion naman nga irenovate ang merkado kag patindugan sang building, pabor ang mga ini nga ipahamtang ang parking area sa second floor kag sa ground floor naman ang vendors.

Facebook Comments

bomboradyo