Wala sang dapat kabalak-an ang mga tawo nga may balatian sa tagipusuon nga luyag magpabakuna batok sa COVID-19.

Sa interview sang Bombo Radyo kay Dr. James Catoto, Specialist in Internal Medicine – Cardiology sa West Visayas State University Medical Center, iya ginpahayag nga ang mga tawo nga may nanuhay-tuhay nga balatian sa tagipusuon ang may dako nga risgo nga maka-angkon sang COVID-19.

Ang COVID-19 ang may nagkalain-lain nga epekto sa lawas sang tawo sa diin ang iban nga pasyente ang maka-angkon sang asymptomatic condition ukon wala sa sintomas sa virus, mildy symptomatic ukon may yara sang indi malala nga sintomas kag severe COVID-19 sa diin ini ang pinakakritikal kag delikado.

Suno kay Catoto, ang mga tawo nga may commorbidities kaangay sang nagkalain-lain nga balatian sa tagipusuon, ang may dako nga posibilidad nga maka-angkon sang severe COVID-19.

Bangud sini, mas maayo nga dulaon sang mga tawo nga may immunodeficiency ukon may yara na sang balatian, ang kahangawa kag magdesisyon sa pagpabakuna batok sa nasambit nga virus.

Importante suno kay Catoto nga magpangayo sang clearance sa iya doktor antes magpabakuna ang isa ka tawo nga may balatian sa tagipusuon.

Para naman sa mga tawo nga may maintenance ukon may gina-inom nga bulong, nagakadapat man nga magpangayo sang abiso sa doktor agud mahibaluan kun mahimo ini makapabakuna batok sa COVID-19 ukon indi.

Gin-athag man sang doktor nga ang isa ka tawo nga may balatian sa tagipusuon nga kompleto sa check-up sa doktor, wala sang hapo kag kontrolado ang sugar level sang lawas ang mahimo gid nga makapabakuna agud maproteksyunan ang kaugalingon sa makamamatay nga COVID-19.

Facebook Comments

bomboradyo