Pito ka mga senador ang nagapamatok sa ginhimo sang Department of National Defense nga pagbasura ukon pagterminate sang 1989 deal nga amo kuntani ang nagadumili sang pagsulod sang militar kag pulis sa mga campus sang University of the Philippines kun wala sang notice sa talatapan sang UP.

Ginpangunahan ni opposition Senator Francis “Kiko” Pangilinan ang pag-file sang Proposed Senate Resolution (PSR) No. 616.

Ang anum ka iban pa nga mga senador nga nagpirma sa resolution amo sanday Senators…

  • Risa Hontiveros
  • Nancy Binay
  • Ralph Recto
  • Leila de Lima
  • Franklin Drilon
  • Joel Villanueva

Sa amo nga resolution, ginhingyo sang mga senador sa Department of National Defense kag sa UP nga magsapol kag mag-istorya nahanungod sa peace and security kag ang pagproteher sa academic freedom.

Students, faculty members and the UP community stage a protest at the Quezon Hall of the University of the Philippines in Diliman, Quezon City on January 19, 2021, to denounce the unilateral move of Defense Secretary Lorenzana to scrap the 1989 UP-DND Accord which prohibits the military to interfere, conduct military and police operations and enter campus premises. Photo by Jire Carreon/Rappler

Ginahingyo man ang Senado nga magpanindugan agud balabagan ang akto ni Defense Secretary Delfin Lorenzana nga ibasura na ang UP-DND accord nga amo ang nagaproteher sa mga estudyante sa campus militarization.

Ginaistoryahan man subong sang publiko kun ngaa wala nagpirma sa resolution ang anum ka mga senador apisar sa UP man sila nag-graduate.

Ang ginatumod nga 6 amo sanday: Senators Sonny Angara, Pia Cayetano, Richard Gordon, Aquilino “Koko” Pimentel III, Cynthia Villar, kag Juan Miguel “Migz” Zubiri.

Una diri, nagpadala sang sulat si Secretary Lorenzana kay UP President Danilo Concepcion kag nagpahayag nga kinahanglan ang abrogation agud nga mas mahapos para sa pulis kag militar nga proteksyunan ang mga kabataan gikan sa ginapahayag recruitment sang Communist Party of the Philippines kag armed wing sini nga New People’s Army.

Facebook Comments

bomboradyo