Ang mga manuglatay sa lubid ang masami nga makit-an lang naton sa circus ukon sa mga palagwaon.

Apang mapati ka man ukon indi, ang bug-os nga populasyon sa gamay nga village sa bukid sang Dagestan autonomous republic sa Tsvokra, Russia, ang nakahibalo maglatay ukon maglakat sa tightrope ukon lubid.

Wala sang may nakahibalo sang pat-od nga petsa kun san-o nag-umpisa ang tightrope-walking tradition sa nasambit nga lugar apang pat-od naman nga sa sulod na sang kapin 100 ka-tuig, tanan nga tawo sa amo nga lugar, babaye man ukon lalaki kag mangin ang mga lamharon ang edad, ang nakatuon sa paglatay sa lubid kun sa diin ang iban ang nangin matuod nga circus performers.

Apisar nagnubo sa kapin 3,000 ang populasyon sa Tsvokra village sang 1980s tubtob sa kapin 400 na lang subong, ang tanan nga mga tawo nga nabilin sa amo nga lugar ang trained sa art sang tightrope walking ukon paglatay sa lubid.

Facebook Comments

bomboradyo