Dako ang posibilidad nga nagsugat-anay ang tubig dagat kag tubig ulan rason nga nagbaha ang pila ka mga dalanon kag mangin ang pila ka mga coastal barangay sa syudad sang Iloilo.

Sa interview sang Bombo Radyo kay Engineer Mavi Gustilo, anay project engineer sang Department of Public Works and Highways (DPWH) Region 6, iya ginpahayag nga may yara sang dako nga drainage sa Rizal St., Iloilo City Proper apang wala sang pumping station.

Diri nagakonekta ang drainage sang Quezon St., Valeria St., kag porsyon sang Iznart St., apang kun indi makaguwa ang tubig bangud nga high tide, pat-od man suno kay Gustilo nga indi makaguwa ang tubig nga nagakonekta sa mga nasambit nga dalan.

Ini ang rason pahayag niya nga nagasugat-anay ang tubig nga amo ang nagatuga sang pagbaha.

Apang isa man sa ginalantaw nga rason ni Gustilo sa pagbaha amo ang mga wala na pangtinlo-an nga inlets.

Facebook Comments

bomboradyo