ILOILO CITY – Naislan sang kalipay ang pagpanghangkat nga naagyan sang Tribu Jaro matapos nga ginpasidunggan bilang Best in Performance sa Dinagyang Digital 2021.

Sa interview sang Bombo Radyo kay John Paul Patrimonio, choreographer sang nasambit nga Tribu, iya ginpahayag nga pila sa mga pagpanghangkat nga naagyan sang ila grupo amo ang pagkuha sang video sa ila nga performance kag indi mapaktan nga lakat sang panahon.

Lakip man diri suno kay Patrimonio ang pag-ensayo ukon pila ka mga rehearsals nga ila ginpatigayon.

Sa pihak sini, tuman ang pasalamat ni Patrimonio nga gin-ubayan gid sila bangud nangin masulhay kag nangin maayo ang tyempo sa mga tinion nga sila ang naga-ensayo kag nagashooting.

Suno kay Patrimonio, makabaton man sang tagsa ka warrior kag may yara pa sang surprise nga premyo.

Samtang, tuman man ang pagpasalamat sang Costume Designer sang Tribu Lapuz matapos ginpasidunggan bilang Best in Costume, Production Design kag Best in Choreography ang iya nga grupo.

Sa interview sang Bombo Radyo kay Paul Jerome Pinuela, nga amo ang costume designer sang nasambit nga tribu, iya ginpahayag nga wala siya nag-ekspektar nga panginbulahan ang iya nga grupo sang indi lang isa kundi duha pa.

Suno kay Pinuela, ginkalipay gid niya ang pasidungog nga nabaton sang grupo sa diin siya ang nangin designer.

Ginpahayag niya nga apisar sang mga pagpanghangkat nga dala sang COVID-19 pandemic, wala man sa gihapon pagbag-o ang selebrasyon sang Dinagyang bangud nangin masadya ini.

Facebook Comments

bomboradyo