ILOILO CITY – Nagpatigayon sang gilayon nga contact tracing ang Iloilo City Government matapos nagpositibo sa COVID-19 ang duha ka empleyado sa 5th floor sang Iloilo City Hall sang damlag lang.

Sa exclusive interview sang Bombo Radyo Iloilo kay Iloilo City Mayor Jerry Treñas, iya ginpahayag nga ang isa ka nagpositibo amo ang isa ka encoder samtang ang isa naman amo ang staff sang Iloilo City Population Office.

Suno kay Treñas, gindala sa Iloilo Diamond Jubilee Hall ang mga na-close contact sang duha ka empleyado kag ginpaidalum gilayon sa Reverse Transcription Polymerase Chain Reaction (RT-PCR) test.

Pahayag sang alkalde, yara na sa istrikto nga quarantine ang mga empleyado nga nagpositibo sa COVID-19, lakip man ang mga naka close contact nga nagahulat sang resulta sang RT-PCR test.

Ginpasigurado man sang natungdan nga indi apektado ang operasyon sang iban nga opisina sa Iloilo City Hall kag padayon ang regular nga pagpaidalum sang COVID-19 test sa mga empleyado.

Facebook Comments

bomboradyo