Nagakahangawa ang mga barangay officials sang Rizal, La Paz, Iloilo City nga wala na sang may mahulik nga isda ang mga nagapamunit sa Iloilo River sa bahin sang Drilon bridge bangud sa mga nagalaya nga nagagamit sang net sa pagkuha sang mga isda.

Sa interview sang Bombo Radyo kay Barangay Kagawad Rolando Gellado, iya ginpahayag nga nadakpan nila ang pila ka mga persona nga nagapanglaya kag tuman ini ka unfair sa mga nagapamunit nga nagahulat sang pila ka oras agud makahulik sang isda indi kaangay sang pagpanglaya nga sinako na nga isda ang ila makuha sa Iloilo River.

Kuntani dumilian man sang concerned agency ang pagpanglaya bangud dako ini nga halit sa mga nagapamunit.

Suno kay Gellado, madamo sang grupo nga nagapanglaya kun gab-i ukon kaagahon agud indi sila makit-an kag dapat nga mahatagan ini sang igtalupangod sang Iloilo City Government.

Ginpahayag man ni Iñigo Garingalao, ang Head sang City Agriculture Office, nga may yara sang tawo nga nagabantay sa Iloilo River apang indi 24 hours bangud may yara man sang limitasyon ang mga personnel.

-- Web Ads --

Suno sa iya, dapat man nga i-edukar sang barangay officials ang mga pumuluyo sa pagpanghulik sang isda agud nga ma preserve ini kag ang katahom sang Iloilo River.

Sa pagkamatuod dugang pa ni Garingalao, may yara na sang mga nadakpan ang mga ila mga personnel nga mga nagapatigayon sang pukot

Facebook Comments

bomboradyo