Kada pungsod, may lain-lain nga pamaagi agud nga masunod sang pumuluyo ang mga ginapatuman nga minimum public health standard.

Apang nangin trending ang mga estudyante sa Taiyuan, China sa Shanxi province bangud bilang kabahin sang COVID-19 protocol, ginpasuksok ang mga ini sang costume nga ‘pakpak;’ agud masunod ang physical distancing.

Magluwas sa ila facemask, required man sa mga estudyante ang pagsuksok sang mga pakpak nga may lain-lain nga disenyo kag ginbansagan “wings for social distancing.”

Nagapati naman ang mga otoridad nga epektibo ini nga pamaagi agud nga malikawan ang paglatnanay sang virus sa mga eskwelahan.

Enjoy man ang mga kabataan sa sini nga inisyatibo bangud mas nagbukas pa ang ila nga imagination.

-- Web Ads --

Nakaandan naman sang mga kabataan ang magsuksok sang ila mga pakpak antes magsulod sa eskwelahan sa China sa diin ini nga lihok ang nakalab-ot naman sa iban nga mga pungsod.

Facebook Comments

bomboradyo