Gin-ako sang Philippine Charity Sweepstakes Office (PCSO) Iloilo Branch nga nakabaton sila sang COVID-19 financial assistance halin sa national office sang nagligad nga tuig.

Ini matapos gintukso sang Commission on Audit (COA) ang ahensya bangud sa P61.330 million nga ginhatag nga bulig pinansyal sa mga empleyado, board of directors kag job orders.

Sa interview sang Bombo Radyo kay Ryan Avelino, Assistant Branch Manager sang PCSO, iya ginpahayag nga nakabaton sang P50,000 ang mga permanent employees, P20,000 para sa mga job orders kag may yara man sang financial assistance nga nabaton ang mga security guards kag janitors sa ahensya.

Ang mga lotto agents suno kay Avelino ang ginhatagan man sang financial assistance bangud sirado ang mga lotto outlets.

Apang gin-athag sang natungdan nga apisar may pandemya, padayon ang operasyon sang PCSO kag padayon man ang sweldohanay sang ila mga empleyado.

Sa pagkamatuod pahayag ni Avelino, sang nagligad nga tuig, naghatag man ang ahensya sang P5 million nga medical assistance sa Western Visayas Medical Center (WVMC).

Tanan nga tawo ang apektado man sang pandemya dugang pa sang natungdan kag inisyatibo sang board of directors sang PCSO nga hatagan sang financial assistance ang mga empleyado.

Facebook Comments

bomboradyo