Tubtub subong nga adlaw na lang, Nobyembre 15, ang ginhatag sang Commission on Elections (Comelec) sa mga political party agud nga maka-withdraw sang kandidatura ukon maislan ang ila nga mga kandidato para sa 2022 elections.

Sandig ini sa Resolution No. 10717 nga gin-isyu sang talatapan.

Lakip sa mga balantayan subong nga adlaw amo ang pahayag ni Presidente Rodrigo Duterte nga magabalik siya sa Comelec agud mag-file sang Certificate of Candidacy (COC) agud magpadalagan sa pagka-bise presidente.

Matandaan nga ginsulit man ni Presidential Communications Operations Office (PCOO) Secretary Martin Andanar ini nga pahayag sang presidente sang nagligad nga Sabado.

PHOTO: MANILA TIMES

Kun tumanon ni Duterte ang iya una nga statement, buot silingon, kontrahon sini sa amo nga posisyon ang iya anak nga si Davao City Mayor Sara Duterte-Carpio nga una na nga nag-file sang COC sang nagligad nga Sabado sa idalom sang Lakas-CMD.

-- Web Ads --

Kun basehan ang pahayag sang amay nga Duterte, si former Senator Bongbong Marcos ang nagtulod sa iya anak nga magpadalagan sa pagka-bise presidente.

Samtang kun si Sara naman ang pahambalon, ang iya desisyon nga magpadalagan sa pagka-bise presidente amo nga masabat ang panawagan sang iya nga mga supporters.

Samtang, subong man nga adlaw maga-file sang COC sa pagka-senador si anay Philippine National Police (PNP) chief, Guillermo Eleazar.

Duha ka adlaw matapos nag-retire na bilang PNP Chief, nagsumpa si Eleazar bilang myembro sang Partido Reporma.

Magapadalagan si Eleazar kaupod sanday presidential aspirant kag former PNP chief Senator Panfilo Lacson Jr. kag vice presidential aspirant Senate President Vicente Sotto III.

Sa Disyembre pa natalana nga i-release sang Comelec ang pinal nga lista sang mga kandidato para sa May 2022 elections. ##

Facebook Comments

bomboradyo