Pauntaton sang Iloilo City Government ang clinical trial nga ginapatigayon sang Chinese Pharmaceutical companies sa Iloilo City sa tion nga magpakatig-a ang mga ini kag indi mag-coordinate ukon makig-angot sa syudad antes magpatigayon sang clinical trial.

Nahibaluan nga duha ka chinese brand sang COVID-19 vaccine ang ginapaidalom sa phase III clinical trial, kun sa diin, ginabayaran ang mga ma-recruit nga participants kag ginapaidalom anay sa reverse transcription polymerase chain reaction (RT-PCR) test antes ang trial.

Photo from Arnold Almacen/Iloilo City Mayor’s Office

Sa interview sang Bombo Radyo kay Iloilo City Mayor Jerry Treñas, iya ginpahayag nga ginmanduan na niya ang duha ka grupo nga nagapamuno sang clinical trial sa syudad nga makig-angot anay sa City Epidemiology and Surveillance Unit (CESU) antes magpang-recruit sang participants.

Katuyuan sini suno sa alkalde nga marekord man sang syudad ang mga pangalan sang mga indibidwal nga nagpasugot sa clinical trial agud nga kun magpositibo ang mga ini sa COVID-19, makabulig man ang Iloilo City Government.

Sa subong, pahayag ni Treñas, nagpasalig naman sang koordinasyon ang proponents sang clinical trial sa syudad sang Iloilo.

Facebook Comments

bomboradyo