ILOILO CITY- Ginbaton na lang ni Iloilo City Mayor Jerry Treñas ang desisyon sang National Inter-Agency Task Force for the Management of Emerging Infectious Diseases nga i- extend ang Enhanced Community Quarantine (ECQ) status sa Iloilo City tubtob sa Agusto 7,2021.

Sa interview sang Bombo Radyo kay Mayor Treñas, iya ginpahayag nga wala na siya sang mahimo pa bangud sa NIATF sa gihapon ang pinal nga desisyon.

Suno sa alkalde, indi man niya mapat- od kon ginkonsiderar sang NIATF ang iya ginpadala nga letter of appeal kahapon nga nagahingyo nga panubuan ang quarantine status sang syudad antes ginpagwa ang desisyon sa extension sang ECQ sa syudad.

Sa pihak sini, padayon nga ginahingyo sang alkalde sa NIATF nga binag- binagon ang sitwasyon sang syudad bangud kalabanan sa mga COVID-19 patients nga ginadala sa mga ospital sa syudad ang naghalin sa Iloilo kag iban nga probinsya sa Panay.

Dugang pa niya, dako nga disbentaha para sa syudad nga samtang yara ini sa ECQ, nakapaidalom naman sa General Community Quarantine (GCQ) status ang mga probinsya kag syudad sa Western Visayas nga amo ang ginahalinan sang mayorya sang COVID-19 patients nga ginadala sa Iloilo City.

Samtang, may kaangtanan naman sa cash aid para sa mga pumuluyo sa syudad, ginpahayag sang alkalde nga 116,000+ families ang mahatagan sang P4,000 kada pamilya.

Apang suno sa alkalde,gina-finalize pa ini nga assistance nga ginabanta nagalab-ot sa P460 million pesos halin sa national government.

Facebook Comments

bomboradyo