ILOILO CITY- Sapulon pa agud konsultahon sang Maritime Industry Authority Region 6 ang mga asosasyon kag operators sang mga modernized vessels kag fiber-glass boats nga nagabyahe via Iloilo City- Guimaras and vice versa.

Ini may kaangtanan sa hingyo sang Buenavista Motorbanca Owners and Sailors Association (BAMOSA) sa Maritime Industry Authority (MARINA) nga dulaon ang bag-o nga schedule sang byahe sang mga sakayang pandagat sa Guimaras nga limitado lang umpisa alas-sais sa aga tubtob alas-tres sa hapon nga ginamando sa Executive Order 24 nga ginpapanaog ni Guimaras Governor Samuel Gumarin.

Sa interview sang Bombo Radyo kay Engr. Jose Venancio Vero,director sang Maritime Industry Authority Region 6, iya ginpahayag nga kinahanglan anay nga makuha ang tanan nga bahin kon magkumporme sila sa ginahingyo sang BAMOSA.

Nahibaluan nga ginareklamo sang mga pumuluyo sang Guimaras ang nasambit nga schedule bangud nga alang – alang ini para sa mga nagaubra sa syudad nga tubtob sa alas-singko sang hapon pa ang ila trabaho.

Facebook Comments

bomboradyo