Nagaplano ang Association of Tennis Professionals (ATP) Tour nga magapatuman sang mas istrikto nga rules sa men’s tennis kasunod sang mga malawig nga toilet breaks kag medical timeouts nga ginahimo.

Ang ini nga practice ang madugay na kag liwat-liwat na lang nga ginahimo sang mga tennis players kaangay na lang sa natabo sa US Open sa diin gin-akusaran si Greek tennis player Stefanos Tsitsipas sang gamesmaship ni British tennis player Andy Murray bangud sa madugay sini nga paggamit sang banyo sa una nga round sang ila nga hampang.

Ginpanginwala naman ni Greek world No. 3 ang akusasyon kag ginpahayag nga wala siya sang may nagguba nga rules bangud wala man sang time limit ang bathroom breaks.

Suno sa ATP, may yara sang pagabag-uhon sa rules para sa bathroom breaks kag on-court medical timeouts.

Nagalaom ang asosasyon nga antes mag-umpisa ang masunod nga season sa Enero, may yara na sang naplastar nga mas hugot nga mga pasulundan.

Facebook Comments

bomboradyo