Ginpanginwala sang Malacañang nga may nagatubo nga indi paghangpanay sa tunga nanday Presidente Rodrigo Duterte kag anak sini nga si Davao City mayor kag vice presidential aspirant Sara Duterte-Carpio.

Labi nga nagtunog ini nga espekulasyon sang gintawag ni Duterte nga weak leader kag spoiled child ang runningmate ni Sara nga si Ferdinand ‘Bongbong’ Marcos Jr..

Sunod naman nga nagpanawagan si Sara sa iya nga mga supporters sa Davao del Norte nga ‘proteksyunan’ si BBM ukon si Bongbong Marcos.

Sang ginpamangkot kun tanda bala ini nga may away na subong ang mag-amay, ginpahayag ni Cabinet Secretary and acting presidential spokesperson Karlo Nograles nga ‘normal lang’ nga lain-lain nga mga kandidato ang suportahan kun eleksyon.

Si Duterte ang magapadalagan sa pagka-senador sa idalom sang PDDS samtang si Sara naman ang magapadalagan sa idalom sang Lakas-CMD.

-- Web Ads --

Nahibaluan nga gina-endorso sang amay nga Duterte ang iya close-aide nga si Senator Bong Go sa pagka-presidente.

Una naman nga nagpahayag sang pagka-disgusto si Duterte bangud vice president lang ang ginpadalaganan ni Sara apisar ini ang top choice sa pagka-presidente base sa mga survey.

Facebook Comments

bomboradyo