Madamo ka bala sang balatian? ukon luyag mo nga makalikaw sa balatian?

Ang bulong ang mahimo yara lang makit-an sa imo nga ugsaran ukon dira man sa imo nga kasilingan.

Ini amo ang lomboy. Panigurado nga ma pa WOW ka sa mga benepisyo nga mahatag sini sa imo ikaayong lawas.

Kadam-an sa inyo ang wala na kun kaisa ginasapak ang prutas nga lomboy ukon Java Plum kun sa ingles.

Manggaranon ini sa iron, magnesium kag vitamin C.

Suno kay Pooja Makhija, isa ka Nutritionist, kun may diabetes ikaw, indi magkabalaka bangud ang lomboy ang mahimo mo sa gihapon nga makaon bangud may yara ini sang nutrient nga ginatawag jambosin compounds, alkaloids, kag jambosin glycosides nga makabulig agud i-convert ang sugar sa energy agud mangin estable ang imo nga blood sugar level.

Bangud man nga may yara sang madamo nga antioxidant ang lomboy, makabulig ini agud malikawan ang cancer.

Kun nagaproblema ka naman sa imo nga panit bangud luyag mo ini nga mangin soft, indi na magbakal pa sang mga habon ukon cream bangud ang lomboy ang makahatag man sa imo sang glowing skin bangud may yara ini sang antioxidant compounds kag vitamin C kun masami mo ini ginakaon.

Gani kun wala ka sang lomboy sa inyo ugsaran kag ang imo nga kasilingan ang may yara, indi maghuya-huya nga magpangayo kag ipakigbahin man sa iya ang amazing benefits sang lomboy.

Facebook Comments

bomboradyo